Disa janë munduar ta mbajnë të fshehtë e disa e kanë dhënë vetë lajmin e ëmbël, por në fund të gjitha i bashkon e vetmja gjë: të bërit nënë për herë të parë. Këto janë VIP-et shqiptare që presin të lindin këtë vit.
Elita Rudi
Shtatzënia e Elita Rudit ka qenë një nga temat më të komentuara të showbizit. Elita u shfaq me barkun e rrumbullakosur për herë të parë në videoklipin e ri të Gjikos. Tanimë moderatorja poston shpesh foto me barkun e rrumbullakosur, por gjininë e fëmijës nuk e ka zbuluar ende.
Almeda Abazi
Lajmi se Almeda Abazi dhe Tolgahan Sayisman do bëhen prindër u bë fillimisht i ditur nga mediat turke dhe vetëm pak më vonë Almeda e konfirmoi. Çifti madje zbuluan edhe gjininë e fëmijës dhe së shpejti ata do bëhen me djalë. Së fundmi Almeda ka shuar edhe kuriozitetin se si duket me barkun e rrumbullakosur, duke postuar një foto krah Tolgahanit.
Anjeza Shahini
Këngëtarja e cila ka përfaqësuar Shqipërinë në Eurovizion, Anjeza Shahini, e dha vetë lajmin e shtatzënisë. Në një postim në Instagram ajo shfaqej me barkun e rrumbullakosur në pishinë. Në rroba banjot e saj trupore shkruhet “Duket i madh barku im me këtë?”. “Kërkoj ndjesë për mungesën në FB e Insta miqtë e mi, por sic e shikoni kam qenë pak e ngarkuar”, shkruante Anjeza.
Diellza Kolgeci
Edhe modelja Diellza Kolgeci është shtatzënë për herë të parë. Lajmin e konfirmoi edhe vetë Miss Kosova duke zbuluar se ka shumë dëshirë të bëhet me vajzë. Diellza është në muajin e pestë të shtatzënisë, por deri tani nuk ka publikuar asnjë foto me barkun e rrumbullakosur.
Anjola Hamzaj
Spikerja e njohur e TV Klan, Anjola Hamzaj është në pritje të ëmbël. Ajo do bëhet nënë për herë të parë këtë vit. Lajmin e zbuloi vetë ajo e ftuar tek “Rudina”, ku tregoi se është 5-muajshe shtatzënë dhe pret binjakë./Xing.al
