A ju kujtohet kur ka qenë hera e fundit që nuk jeni ndjerë të lodhur fizikisht dhe mendërisht? A ju kujtohet hera e fundit kur u ngritët nga shtrati pas orëve të gjumit dhe u ndjetë me energji?
Nëse jeni përgjigjur “jo”, atëherë duhet të dini se arsyet e kësaj lodhjeje të pashpjegueshme janë të shumta dhe të ndryshme. Mirëpo, 5 arsyet e mëposhtme janë më të zakonshmet.
Mungesa e gjumit
Një nga arsyet më të mundshme pse mund të ndiheni të lodhur gjatë gjithë kohës është mungesa e gjumit. Gjatë gjumit, trupi kryen një sërë procesesh të rëndësishme, deri në riparimin dhe rigjenerimin e qelizave.
Ankthi
Deri në një pikë, ankthi është normal. Megjithatë, kur situata del jashtë kontrollit, kjo mund të kthehet në lodhje. Në fakt, stresi kronik mund të çojë në çrregullimin e lodhjes të lidhur me stresin (ED), një gjendje mjekësore e karakterizuar nga simptoma psikologjike dhe fizike të rraskapitjes.
Mungesa e lëndëve ushqyese
Një faktor tjetër i mundshëm është mungesa e lëndëve ushqyese . Në veçanti, mangësitë në lëndët ushqyese të mëposhtme janë lidhur me lodhjen:
hekuri
riboflavin (vitaminë B2)
niacinë (vitaminë B3)
acid pantotenik (vitamina B5)
piridoksinë (vitamina B6)
acid folik (vitamina B9)
vitaminë B12
vitaminë D
vitaminë C
magnezi
Ushqimi i keq
Një dietë e ekuilibruar është gjithçka. Në mënyrë që të ruani energjinë tuaj dhe të merrni lëndët ushqyese që i nevojiten trupit tuaj, është me rëndësi të madhe të konsumoni një dietë të ekuilibruar me përmbajtje të lartë lëndësh ushqyese . Kur nuk merrni mjaftueshëm kalori dhe lëndë ushqyese si proteinat, trupi juaj zbërthen yndyrën dhe muskujt për të përmbushur kërkesat për energji.
Hidratim i pamjaftueshëm
Qëndrimi i hidratuar është një hap i rëndësishëm në ruajtjen e niveleve të dëshiruara të energjisë. Dehidratimi ndodh kur nuk pini mjaftueshëm lëngje për të zëvendësuar ujin e humbur përmes urinës, djersës dhe frymëmarrjes. Nevojat për hidratim mund të ndryshojnë nga dita në ditë dhe varen nga faktorë të tillë si pesha, mosha, gjinia dhe nivelet e aktivitetit. Në përgjithësi është mirë që patjetër të pini tetë gota ujë.
