Një ngjarje e rëndë ka ndodhur në fshatin Tapizë të Fushë-Krujës, ku një 42-vjeçare ka hedhur në lumë foshnjën e saj të porsalindur.
Policia njofton se 42-vjeçarja e ka lindur foshnjen rreth mëngjesit të ditës së sotme në ambientet e banesës së saj dhe ka ngritur pretendimin se fëmija kishte lindur pa shenja jete. Më pas, ajo e ka futur në qese foshnjen dhe e ka hedhur në bregun e lumit të Tapizës.
Pavarësisht kërkimeve të policisë, foshnja nuk është gjetur pasi dyshohet se e ka marrë rrjedha e lumit. Ndërkohë, detaje të tjera kanë në dritë në lidhje me ngjarjen tronditëse.
Sipas Klan News mësohet se 42-vjeçarja, është e martuar dhe nënë e 3 fëmijëve të tjerë të mitur. Fëmijën e ka lindur në kushte shtëpie dhe askush nuk e ka ditur që është shtatzënë. Madje edhe bashkëshorti i saj ka deklaruar para uniformave blu se nuk e dinte që gruaja e tij ishte shtatzënë.
Pasi gruaja ka shkuar në spital në gjendje jo të mirë shëndetësore, është zbuluar që ka qenë shtatzënë. Fillimisht para hetuesve ka pretenduar se foshnja ka lindur e vdekur dhe për këtë arsye e ka hedhur në lumë, por që nuk e mbante mend vendin ku e ka hedhur, por disa orë më vonë ajo ka rrëfyer.
Hetuesit kanë dyshime për vërtetësinë e deklaratës së saj që fëmija ka lindur i vdekur dhe për këtë arsye po hetohet për veprën penale të vrasjes. Nuk dihet shkaku që fshihet pas këtij veprimi, por nuk përjashtohet mundësia që fëmija të jetë nga një marrëdhënie jashtëmartesore.
