Një 41 vjeçare ka përfunduar në gjendje të rëndë në spitalin e Korçës pasi ka konsumuar kërpudha.
Ngjarja ka ndodhur rreth orës 23:00, të mbrëmjes së të dielës. 41-vjeçarja mësohet se është dërguar fillimisht në spitalin e Bilishtit për ndihmë mjekësore, por duke qenë se gjendja e saj paraqitej e rëndë ajo u transportua drejt spitalit të Korçës, ku aktualisht ndodhet e shtruar në reanimacion.
Familjarët kanë deklaruar para uniformave blu të Devollit, që gruaja ka ngrënë kërpudha dhe dyshohet të jetë helmuar prej tyre.
Helmimi prej kërpudhave është konfirmuar dhe nga mjekët e spitalit të Korçës.
Policia po kryen veprimet për zbardhjen e rrethanave të ngjarjes.
