Biznesmeni i ndërtimit Fejzo Zekaj ka dalë këtë të shtunë para gjykatës së Tiranës për t’u njohur me masën e sigurisë. Ndalimi i tij është cilësuar i ligjshëm nga togat e zeza dhe është caktuar masa e sigurisë e burgut me afat 40 ditor. Kjo ishte edhe masa e kërkuar nga prokuroria e Tiranës.
38-vjecari ishte shpallur në kërkim nga autoritet italiane me vendim të gjykatës së Breshias, e cila e akuzon për trafik të lëndëve narkotike.
Kjo peridhë kohe e vendosur nga gjykata do të shfrytëzohet nga drejtësia italiane për të sjellë të gjithë dokumetacionin, me qëllim ekstradimin e tij drejt vendit fqinj, ku do të vuajë dhe dënimin që i ka mbetur.
Zekaj ishte shpallur në kërkim nga pala italiane vitin e kaluar dhe kërkesa për arrestimin e tij në vendin tonë është përcjellë në muajin shtator të 2015. Ekzekutimi është vonuar për shkaqe të procedurave ligjore që ndiqen në këto raste.
Fejzo Zekaj rezulton se është pronari i firmës “F.Z Construction”, që prej vitit 2007 dhe ndërtues i një kompleksi vilash ne lundër me emrin “White House”.
38-vjeçari prej vitesh është një prej ndërtuesve më aktiv në Tiranë, pasi ka ndërtuar disa komplekse pallatesh në zonat e Liqenit Artificial dhe atij të Thatë.
Tv Klan
