Jemi në sezonin e ujorit, duke filluar nga data 20 janar e deri në 18 shkurt. Mund të duket pak mburrëse t’i quash njerëzit më interesantë të lindurit e kësaj shenje, por në fakt nuk mund të përshkruhen ndryshe e as të përkufizohen me pak fjalë. Sigurisht, të gjithë shenjat e horoskopit kanë disa grupe, por një grup ujorësh është i mbushur me kontradikta.
Nga njëra anë mund të duken të ftohtë, të pandjeshëm, shumë të zënë me punë dhe nuk i interesojnë detajet e ditës tënde, por nga ana tjetër njihen si altruistë dhe kryejnë vepra të mëdha në emër të së mirës. Janë të pakuptueshëm dhe nuk mund të përgjithësohen sepse të gjithë ujorët mund të jenë ndryshe, sipas gjendjes njerëzore.
4 janë tipet kryesore të ujorit që do të takoni, ose që mund të keni takuar. Ja si përshkruhen ata:
I shoqërueshmi
E takon këtë ujor korridoreve, duke kaluar nga një dhomë në tjetrën e duke i përshendetur të gjithë. Janë të lumtur që të takuan por nuk rrinë dot gjatë për të folur. Këta janë forma më e pastër e ujorit. Social dhe të vetmuar, të interesuar por të shpërqëndruar, “të shoqërueshmit” i pëlqejnë shumë mbledhjet e mëdha familjare dhe zgjerimin e horizonteve shoqërore, por janë të vështirë për tu njohur në nivele më të thella. Kjo do kërkonte shumë kohë intimiteti e bisedash private, por në momentin që lidheni shpirtërisht me një të tillë, do t’ju marrin me vete në çdo hap të rrugëtimit të tyre.
Futuristi
Ky është ujori që do i pëlqente më shumë një punë jasht sesa një të rregullt zyre. Mund të jenë shkencëtar, shpikës apo arkitektë, pavarësisht profesionit janë inovatorë. Qëllimet e tyre janë të paracaktuara për vite me rradhë, me vizione, eksplorime, risi etj. Mund të duken sikur jetojnë në ajër por në fakt egoja e tyre është aq e fortë sa punojnë shumë fort për të parë progresin e dëshiruar.
Kundërshtuesi
Sado me parime dhe morale të jetë ky ujor, ka nga ata që do të bënin avokatin e djallit, – vetëm për hir të debatit. Kata janë njerëit që i kujtojnë gjithmonë të tjerëve që çdo gjë e debatueshme duhet të debatohet. Është mirë ta kesh kundërshtues në anën tënde të debatit, por kur këta rebelë të kthehen kundër, është e vështirë të gjesh terren të përbashkët me ta.
Zëri i gjeneratës
Oprah Winfrey, e lindur në 29 janar, është çdo gjë veçse e tërhequr. Në fakt puna e saj humanitare dhe komunitare është shembulli i përkryer i këtij tipi ujori. Të paktë janë të lindurit në shenjën e ujorit që janë të tillë. Zakonisht kanë prirje politike dhe aktiviste, dhe përfshihen shumë në çështjet familjare. Janë më të shqetësuar për mirëqenien e grupeve sesa idividëve dhe gjithmonë kanë qëllime të mira, -por ekziston edhe rreziku të bëhen predikues nëse nuk informohen mirë mbi çështjet që mbrojnë.
