Ministrja e Shëndetësisë Ogerta Manastirliu është larguar të hënën nga studioja e emisionit “Opinion” ende pa pritur përfundimin e tij. Ndonëse nuk dha arsye të largimit të saj të papritur, vetëm pak momente pasi ajo ishte larguar, nga institucioni që Manastirliu drejton, erdhi informacioni zyrtar për identifikimin e 4 rasteve të reja të prekur nga koronavirus. Kështu Shqipëria raporton tashmë 6 persona të prekur, ndëkohë që ambjentet e spitalit infektiv janë zbrazur dhe janë lënë në funksion të pacientëve të prekur nga COVID 19.
Nga rezultatet e 14 testimeve të kryera në laboratorin e virologjisë në Institutin e Shëndetit Publik, mesnaten e se henes, 4 persona kanë rezultuar pozitiv për COVID-19, 3 prej të cilëve persona të familjes me 2 rastet e para që u konfirman mbrëmjen e djeshme. Aktualisht të gjithë personat e tyre të kontaktit po mbahen në vetëkarantinim të detyruar dhe po ndiqen nga ekipet e epidemiologëve për gjendjen e tyre shëndetësore.
Aktualisht gjendja e tyre rezulton pa probleme të veçanta.
