Qendra Inovative ‘Queen Maria Bio Enterprises’ në Londër kërkon 24 vullnetarë që do të infektohen me koronavirus, dhe do të paguhen me 3500 paund ose 4000 euro.
Vullnetarëve do t’u injektohet një formë e dobët e koronavirusit, që ata të kenë simptomat e COVID-19, për të ndihmuar kështu shkencëtarët që të gjejnë një vaksinë.
Ata do të mbahen në karantinë për dy javë, ku do të ndjekin një dietë specifike. Pacientët nuk duhet të bëjnë asnjë lloj aktiviteti fizik dhe në fund të 14 ditëvë do t’u bëhet një vaksinë e krijuar nga laboratori Hvivo.
Më pas ata do të qëndrojnë sërish në izolim dhe do të mbikëqyren nga ‘European Pharmaceutical Manufacturer’.
Deri tani mësohet se për projektin kanë aplikuar më shumë se 30 vullnetarë, të cilët nuk do të mund të kenë kontakt me asnjë person përgjatë periudhës së karantinimit./Opinion.al
