Ndryshe nga sa ka ndodhur në muajt e mëparshëm, Nëntori i këtij viti ka shënuar një rënie të aksidenteve rrugore me 12% në krahasim me vjet.
Sipas të dhënave të INSTAT, kanë ndodhur 147 aksidente, 20 më pak sesa në Nëntorin e vjetshëm.
Megjithatë kjo nuk e përmbys situatën, pasi 11-mujori i këtij viti ka rezultuar më i përgjakshëm për aksidentet rrugore sesa ai vjet.
Nga Janari deri në Nëntor janë regjistruar 1,517 aksidente, një rritje kjo me 35% krahasuar me vitin 2023.
Por lajmi pozitiv është se gjatë 11-mujorit të këtij viti vdekshmëria në aksidente rrugore është ulur në 9,8 për 100 aksidente, nga 15,7 që ishte në të njëjtën periudhë të një viti më parë.
Aksidentet rrugore, në rreth 90% të rasteve, kanë ndodhur si pasojë e sjelljes së drejtuesit të mjetit.
Grupmoshat e reja 25- 34 vjeç vazhdojnë të mbeten më problematikët, pasi edhe këtë vit kanë shkaktuar numrin më të lartë të ngjarjeve rrugore, duke zënë 26 % të numrit të aksidenteve gjithsej.
Tv Klan
