Ministria e Shëndetësisë raportoi se në 24 orët e fundit në vendin tonë janë regjistruar 34 raste të reja me koronavirus.
Sipas Ministrisë, pjesa më e madhe e tyre janë asimptomatikë, pra pa shenja të sëmundjes dhe kryesisht kontakte të rasteve positive të mëparëshme.
Konkretisht, sqarohet se në Krujë, janë zbuluar 18 raste, të gjitha kontakte të rasteve të zbuluara para disa ditësh, sic është edhe një rast në Mat, kontakt i një prej rasteve pozitive të Krujës që lidhet me vatrën në fasoneri.
Lidhur me rastet e tjera të identifikuara në 24 orët e fundit, Ministria njofton se 6 raste janë në Kukës, kontakte të efektivit të zbuluar ditën e djeshmëm 4 raste në Tiranë, që lidhen me burgun 313.
Po ashtu janë 2 raste në Kurbin, 1 rast në Lushnje, 1 rast në Berat dhe 1 rast i importuar nga Greqia, i identifikuar gjatë qëndrimit në karantinë në Përmet, i cili aktualisht po trajtohen në spitalin infektiv në Tiranë./Opinion.al
