200 mijë lekë të vjetra për një abort në kundërshtim nëse mosha e shtatzënisë është katër muajshe dhe 300 mije lekë (të vjetra) nëse mosha e shtatzënisë është pesë muajshe.
Këto janë tarifat që përdor në klinikën private një mjeke gjinekologe në qytetin e Shkodrës.
Emisioni Fiks Fare transmetoi mbrëmjen e sotme vendin ku mund të abortosh edhe në muajin e pestë të shtatzënisë. Vera Haxhiu, gjinekologe e ofron këtë shërbim në klinikën e saj private në qytetin e Shkodrës kundrejt shumave që I vendos vetë në varësi të muajve të shtatzënisë.
Vajza është pesë muajshe dhe për arsye familjare dhe braktisjes nga babai i fëmijës kërkon ndihmë për të ndërprerë shtatzëninë.
Ligji shqiptar tregon qartë se ndërprerja e vullnetshme e shtatzënisë mund të kryhet brenda javës së 12 të shtatzënësisë.
Në kundërshtim me ligjin mjekja Haxhiu shprehet se nuk ka asnjë problem për të abortuar, por kërkon parapagim që të nisë punën.
Madje nuk pranon që t’i lëshojë as recetë mjekësorë pacientes së paraqitet në klinikën e saj. Ajo tregon se ka lëshuar recetën mjekësore apo ka përfunduar punën dhe nuk e kanë paguar pasi kam bërë ndërhyrjen.
Mjekja e ka shumë të qartë që po kryen një krim. Ajo thotë se “deri në javën e 12 mund të bësh abort, por në javën e 12 dhe një ditë më tepër quhet krim dhe mund të përfundosh në burg”.
Emisioni “Fiks Fare” transmetoi takimet e vajzës me mjeken në të cilat tregohet këmbëngulja e vajzës për të mësuar rreth rrezikut që mund t’i kanoset nga aborti në këtë fazë të shtatzënisë.
Mjekja i kërkon të mos e pyesë për rreziqet pasi edhe në dasmë mund të helmohesh nga një pjatë, ajo i tregon që rrezikshmëri ka pasi futet si një lindje normale.
Vajza shtatzënë e shoqëruar nga dhe gazetarja e “Fiks Fare” iu drejtua një tjetër klinike për të vërtetuar moshën e shtatzënisë, ku sipas mjekut pacientja ishte në javën e 20.
Sipas tij, nuk mund të bëhet aborti në këto kushte që është pacientja . “Ndërprerja e hemorragjisë është vështirë të kryhet pas abortit, po ashtu rreziku i infeksionit është i lartë” tha mjeku. Ai tha që është mirë që ky abort të mos bëhet.
