Është mbledhur këtë të martë Konferenca e Kryetarëve e cila do të përcaktojë datën e mbajtjes së raundit të katërt të zgjedhjes së presidentit të ri të Republikës.
Në nisje të mbledhjes ka folur Enkelejd Alibeaj, i cili ka thënë se interesi i opozitës në këtë mbledhje është për ngritjen e Komisionit Hetimor për investimet strategjike.
“Po ju sqaroj që interesi jonë për të diskutuar ka të bëjë vetëm me pikën 3 për ngritjen e Komisionit Hetimor për Investimet Strategjike. Gjithmonë është ndjekur praktika që për veprimtarinë normale ka qenë një urdhër i dhënë nga kryetarja e Kuvendit ndërsa për veprimtarinë e posaçme ka qenë një tjetër urdhër i posaçme. Janë 2 procedura dhe i keni bashkuar në 1 dhe kjo nuk është normale. Ne do të diskutojmë vetëm për pikën 3”, tha Alibeaj.
Kujtojmë se tre raundet e para janë djegur pa kandidatë të propozuar.
