Avokatët e të gjitha gjykatave në vend kanë vendosur të përfshihen në bojkot tre ditor, pas vendimit të Këshillit të Përgjithshëm të Dhomës Kombëtare të Avokatisë, lidhur me dhunën e ushtruar ndaj avokatit Sokol Mëngjesi.
Dhoma e Avokatisë në Shkodër i përgjigjur këtij bojkoti, ku në një deklaratë për mediat ka bërë thirrje për vënien para përgjegjësisë së autorëve.
Kryetari i Dhomës se Avokatisë Shkodër, Anton Kosteri kërkoi nga klientët që t’i zgjidhin problemet me profesionalizëm.
“Edhe sot Dhoma e Avokatisë Shkodër shpreh gjithë mbështetjen institucionale, njerëzore e humane ndaj kolegut e profesorit Sokol Mëngjesi, i cili ka rënë pre e një sulmi të paprecedentë ndaj institucionit të avokatit.
Ne dënojmë sulmin ndaj kolegut tonë, një profesor i nderuar i së drejtës në RSH dhe bëjmë thirrje për vënien para përgjegjësisë të personave dhe kujtdo që ka shtyrë e iniciuar këtë sulm brutal.
Sa i përket bojkotit ne kemi vendosur 3 ditë bojkot të të gjitha seancave me përjashtim të seancave për dhënien e masës së sigurisë.
