Presidenti, Bajram Begaj, ka uruar shqiptarët për 29 Nëntorin festën e Çlirimit.
Në një postim në rrjetet sociale, Begaj shkruan: “Gëzuar Festën e Çlirimit Shqipëri”.
Më tej ai nderon ato që me guximin, trimërinë dhe sakrificën sublime na dhuruan lirinë.
“Gëzuar Festën e Çlirimit Shqipëri. Nderim përjetë atyre që me guximin, trimërinë dhe sakrificën sublime na dhuruan lirinë”, shkruan Presidenti Begaj në Facebook.
Më herët, President Begaj, mori pjesë sot në ceremoninë zyrtare të nderimit të dëshmorëve për Çlirimin e Shqipërisë. Kreu i Shtetit vendosi kurorë me lule pranë monumentit “Nëna Shqipëri” në varrezat e Dëshmorëve të Kombit.
