28 Dhjetori shënoi emisionin e fundit “Opinion” për vitin 2018. Të ftuarit specialë të Blendi Fevziut në këtë mbrëmje kanë qenë dy presidentët shqiptarë, Ilir Meta president i Shqipërisë dhe Hashim Thaçi president i Kosovës.
Në pjesën e parë të programit, Presidenti Meta ka folur për disa nga vendimet më të rëndësishme të tij në krye të Presidencës, një pjesë e të cilave shumë të diskutuara publikisht. Ai gjithashtu ka folur edhe për raportet në familje dhe bashkëshorten tij, tashmë në krye të LSI.
Ndërkohë, edhe Presidenti Thaçi ka folur për temat e nxehta të aktualitetit në Kosovë, mes të cilave edhe gjykata speciale aq e diskutuar.
