Ministri i Shtetit për Marrëdhëniet me Parlamentin, Taulant Balla ka reaguar me një mesazh në 26-vjetorin e Çlirimit të Kosovës.
Përmes një postimi në rrjetet sociale, Balla shprehet se në këtë ditë të rëndësishme përkujtojnë epopenë e Ushtrisë Çlirimtare të Kosovës, heroizmin e Adem Jasharit, kontributin e Presidentit Thaçi, të komandantëve dhe të çdo dëshmori e kontributori të lirisë.
“Festojmë sot 26 vjetorin e Ditës së Çlirimit të Kosovës. Më 12 qershor të vitit 1999 në Kosovë hynë rreth 50 mijë trupa të KFOR-it, nga 39 kombe të ndryshme të botës, të cilat ua rikthyen kosovarëve lirinë.
Në këtë ditë të rëndësishme përkujtojmë epopenë e Ushtrisë Çlirimtare të Kosovës, heroizmin e Adem Jasharit, kontributin e Presidentit Thaçi, të komandantëve dhe të çdo dëshmori e kontributori të lirisë, e paraprirë për vite me radhë nga rezistenca paqsore e Presidentit Rugova”, shkruan Balla.
