Sot shënohet 25 vjetori i krijimit të parlamentit pluralist demokratik në Shqipëri dhe me këtë rast po zhvillohen disa aktivitete. Kreu i Kuvendit, Ilir Meta duke folur tek Akademia e Shkencave ku morën pjesë politikanë dhe historianë premtoi se në këtë 25 vjetor Shqipëria do ta bëjë reformën në Drejtësi.
“Jemi përpara miratimit të një reforme madhore, dhe reforma në drejtësi do mbyllet me sukses. Kjo reformë do të përmirësojë klimën e biznesit në vend. Kuvendi luan një rol të madh në proceset transformuese të vendit. Reforma në drejtësi duhet të mbyllet sa më parë. Shpreh mirënjohje për të gjithë ata që kanë kontribuar në parlamentarizmin në Shqipëri, si dhe vlerësoj ndihmën e ndërkombëtarëve”, u shpreh Meta.
Kryetari i Kuvendit, Ilir Meta do të ketë një pritje në Pallatin e Brigadave sot në 19:00, ku do të jenë të ftuar drejtues dhe personalitete të larta të shtetit shqiptar, si dhe përfaqësues të Trupit Diplomatik në vendin tonë.
