Elidona Demiraj 25 vjeçe u vra në Angli nga bashkëshorti i saj, i cili e ka goditur me thikë. Nje muaj pas ngjarjes së rëndë, trupi i Elidonës ka mbërritur në Shqipëri, ndërsa nderimet e fundit do t’ bëhen në vendlindje, në Tropojë. Lajmin e ka bërë të ditur babai i të ndjerës, përmes një njoftimit në FB:
“Të dashur shokë, miq e të afërm të familjes tonë.
Ju, të nderuar që po jetoni me dhimbjen tonë tash 5 javë ditë, ju njoftojmë mbërritjen e trupit të vajzës tonë, Elidona Demiraj në Shqipëri, sot dt.4 Mars ora 14 : 30.
Varrimi do të bëhet nesër, dt. 05 Mars, të shtunën në orën 13:00 në Fshatin Begaj,Tropojë. Me respekt Halil Demiraj”
Sipas babait tw vajzes, dhëndri tre ditë para ngjarjes e kishte paralajmëruar se do ndahej nga Elidona, sepse e kishte ofenduar 2- 3 herë dhe asgjë tjetër.
Më 30 janar, një ditë përpara vrasjes, bashkeshorti ishte sëmurë dhe Elidona i kishte shërbyer dhe e kishte shoqëruar në spital. Më 31 Janar ata kanë përgatitur plaçkat për të ndërruar shtëpinë, por atë natë Lulzim Qeleposhi e kishte masakruar bashkëshorten 25 – vjeçare me thikë. Policia e arrestoi në flagrancë, e njoftuar nga disa fqinj që kishin dëgjuar thirrjet e vajzës për ndihmë.
