Është arrestuar nga Policia e Tiranës një 25 vjeçar i cili akuzohet për prodhim dhe shitje të drogave të forta. Bëhet fjalë për Diklen Vata, banues në Laç, të cilit gjatë kontrollit fizik të ushtruar ndaj tij, në vendin e quajtur zona e shkollës “Bajram Curri”, i është gjetur e fshehur në çorape një mbështjellëse me lëndë narkotike e dyshuar e llojit kokainë, si dhe 3 mbështjellëse të tjera të fshehura në çelësat e makinës.
Në vijim është ushtruar kontroll në banesën e shtetasit Diklen Vata, ku gjatë kontrollit të ushtruar i janë gjetur dhe 18 mbështjellëse të tjera me lëndë narkotike e dyshuar e llojit kokainë.
Janë sekuestruar në cilësinë e provës materiale; 22 doza me lëndë narkotike e dyshuar e llojit kokainë e cila rezultoi e peshës 11.4 gramë, 3 aparate celularë, mjeti i markës “Rover”.
