Data 24 Maj, përkon me një ngjarje të rëndësishme në historinë e demokracisë në Kosovë. 24 vite më parë më, viti ’92, shqiptarët e Kosovës, për herë të parë përdorën të drejtën e votës për të zgjedhur udhëheqësit e tyre.
Në atë kohë u zgjodh edhe Ibrahim Rugova si President i Kosovës. Në fund të procesit ishin zgjedhur 130 deputetë të Kuvendit të Kosovës, kurse Rugova mori mbështetjen absolute të gjithë votuesve gjithandej vendi.
Këtë ditë e ka përkujtuar dhe kryeministri Isa Mustafa, i cili përmes një statusi në“Facebook”, ka shkruar se “Rugova ishte simbol i unitetit dhe vendosmërisë së paepur të popullit të Kosovës në rrugën drejt lirisë, pavarësisë dhe demokracisë”. Gjithashtu urimeve për këtë ditë i është bashkuar dhe presidenti Hashim Thaçi./Klan
