Së paku 2234 Indianë janë infektuar me virusin Hiv, gjatë transfuzionit të gjakut në spitale.
Informacioni është shpallur nga Organizata Kombëtare e vendit Aids Kontroll (Naco) në përgjigje të një peticioni të paraqitur nga aktivisti Chetan Kothari.
Mr Kothari tha për BBC se ai ishte “i tronditur” nga zbulesa. India ka rreth 2.09 milionë njerëz që jetojnë me HIV/AIDS.
Numri më i madh i pacientëve të cilët ishin infektuar me HIV si rezultat i gjakut të ndotur në spitale, ishin nga shteti verior Uttar Pradesh me 361 raste. Shtetet perëndimore të Gujarat me 292 raste dhe Maharashtra me 276 raste të rangut të dytë dhe të tretë respektivisht.
Kryeqyteti Indian Delhi është në vendin e katërt me 264 raste.
“Këto janë të dhënat zyrtare, ofruar nga Naco drejtuar nga qeveria. Unë besoj se numrat e vërtetë do të jenë të dyfishtë apo të trefishtë ,” tha Zoti Kothari për BBC.
Sipas ligjit, është e detyrueshme të kontrollohet gjaku i dhuruar nga HIV, hepatiti B dhe C, malaria dhe infeksionet e tjera. Por çdo test i tillë kushton 1.200 rupees ($ 18, £ 12).
Dhe numri më i madh i spitaleve në Indi nuk i kanë objektet e testimit. Edhe në një qytet të madh si Mumbai, vetëm tri spitale private kanë objektet e testimit ndaj HIV.
Pra marrja e Hiv, përmes gjakut vjen si pasojë e mungesës së teknologjisë, e cila nuk analizon sic duhet nëse gjaku i dhuruar i përmbush kriteret apo jo.
“Kjo është një çështje shumë serioze dhe duhet të adresohet urgjentisht,” shtoi Z.Kothari
Burimi:BBC/ Përktheu: Adela Zeneli
Opinion.al
