I riu shqiptar, Denison Hebibasi, 21 vjeç, punëtor ndërtimi në Ravenna vdiq dy ditë më parë shtetin fqinj. Mediat italiane kanë zbardhur sot dëshminë e pronarit të firmës ku punonte i riu. Paraprakisht dyshohet se ai është mbytur aksidentalisht në kanal teksa ishte në orarin e punës, por gjithsesi ende shkaku i saktë nuk është zbardhur pasi pritet përgjigja e autopsisë.
Pronari i firmës italiane Gabriele Germiniasi, ku punonte shqiptari, citohet nga mediat italiane të jetë shprehur: “Vdiq në krahët e mi, ishte një moment tronditës që më copëtoi zemrën”.
Më tej ai ka sqaruar se “ekipi i punëtorëve ishte duke punuar në kapanonë, kur Denisoni është zhdukur nga sytë. Kolegët kanë nisur ta kërkojnë atë, vetëm kur e kanë gjetur pak minuta më vonë në një kanal që kalon në krah të kompanisë”.
“E pamë atë në ujë, asnjë nuk e di se çfarë mund të ketë ndoshur. E nxorrëm menjëherë jashtë dhe dukej se ishte ende gjallë. Telefonova 118, duke i kërkuar operatorit që ambulanca të vijë sa më shpejt sepse djali ishte pa ndjenja. E vumë në hije, dhe të dëshpëruar u përpoqëm t’i bënim masazh kardiak. Por ne nuk jemi mjekë, djali nuk merrte frymë”, është shprehur pronari italian, Germiniasi.
Sipas mediave italiane, shkaku më i mundshëm i vdekjes së punëtorit të ri shqiptar mund të jetë nga një sëmundje, ose infarkt. Por gjithsesi pritet edhe autopsia për të zbardhur shkaqet e verteta të vdekjes së të riut shqiptar.
