Seksi është një nga temat që vijon të mbetet tabu në Shqipëri. Në “Opinion” kur diskutohet për këto tema, ka shikueshmërinë më të madhe, dhe sigurisht fakti që mbetet tabu, i nxit shqiptarëve edhe më tepër kuriozitetin. Nuk mund të mungonte një panel për temat tabu edhe në këtë 20 vjetor të “Opinion”.
Fillimisht u bë një rikujtim i emisioneve të mëparshme ku më tepër spikati deklarata bomb e Murat Bashës, kur u shpreh se nëse djali i tij do të ishte homoseksual do ja “numëronte në lule të ballit”. I riftuar edhe në këtë panel, Basha u shpreh se nuk kishte ndryshuar mendim, por nuk bënte më të njëjtin reagim si më parë. Në fund ai u shpreh: “Tani unë i lutem zotit vetëm që ti shëroj këta njerëz. Nëse nuk i shëron të marri prindërit e tyre dhe pastaj fëmijët sa më shpejtë”.
Psikologia Denada Toçe, e cila gjithmonë ka folur hapur kur vjen puna te seksi. Ajo u shpreh në “Opinion”, se për këtë i ndodh të etiketohet shpesh në rrugë si “psikologe e seksit”.
Një nga pyetjet që gjithmonë ngjall kuriozitet është se kur bëhet më shumë seks para viteve 90 apo tani. Shkrimtarja Rita Petro u përgjigj se më shumë seks bëhet tani për shkak të mëndësisë më të hapur te njerëzit.
Xheni Karaj e LGBT-së e ftuar në këtë panel, ka komentuar deklaratën e Muratit dhe u shpreh se :
“Jam shumë e kënaqur që jam përballë Muratit, dhe më vjen mirë që ka ndryshuar, dhe dua ti them që unë nuk do ndryshoj”./Opinion.al
