Është identifikuar 20-vjeçari shqiptar që mbeti i vrarë me armë zjarri në Itali.
Bëhet fjalë për Enriko Aliaj, i cili humbi jetën të premten në mbrëmje pasi u godit nga një armë zjarri në shtëpinë e tij në Ponte dell’Olio, në zonën e Piaçenza-s.
Duket se ngjarja është një dramë familjare që për momentin është e mbuluar me mister. I dyshuari kryesor është vëllai i viktimës një 18-vjeçar, i cili jetonte me të së bashku me prindërit dhe një motër më të vogël. Megjithatë ende nuk dihet ende nëse ngjarja ka ndodhur qëllimisht apo aksidentalisht.
Mediat italiane shkruajnë se një person i tretë ka qenë gjithshtu i pranishëm kur ka ndodhur ngjarja e rëndë. Ky person mendohet se është larguar fill pasi është qëlluar me armë 20-vjeçari.
Tashmë hetimet do të zbardhin dinamikën e saktë të ngjarjes, në bazë të këqyrjes së bërë nga karabinierët e mjekësisë ligjore, dhe dëgjimit të dëshmive të vëllait të viktimës dhe të të riut tjetër të përfshirë në ngjarje.
