Një 27-vjeçar është arrestuar nga Policia Kufitare , pasi tentoi të trafikonte lëndë narkotike drejt malit të Zi.
Mësohet se sasia e drogës prej 20 kilogramë u zbulua pas kontrollit të imtësishëm të bërë ndaj mjetit të 27-vjeçarit.
I arrestuari është identifikuar me inicialet : D.K., 27 vjeç, banues në fshatin Kçar i Poshtëm-Demiraj të Malësisë së Madhe.
Ndërkohë, policia po vijon hetimet për të zbuluar personat të cilët janë të përfshirë në këtë ngjarje.
Njoftimi i policisë:
Policia Kufitare parandalon dhe godet një tjetër tentativë për trafikim të lëndëve narkotike.
Arrestohet në flagrancë një 27 vjeçar, i cili tentoi të trafikonte në drejtim të Malit të Zi, 20 kilogramë lëndë narkotike Cannabis Sativa.
Shëbimet e Policisë Kufitare të Drejtorisë Rajonale Për Kufirin dhe Migracionin Shkodër në PKK Muriqan, në zbatim të masave shtesë për rritjen e kontrollit me qëllim parandalimin dhe goditjen e paligjshmërisë që mund të zhvillohet në pikat e kalimit si pasojë e fluksit të madh gjatë sezonit turistik veror, kanë kaluar në vijën e dytë për kontroll të imtësishëm një mjet të dyshuar se mund të transportonte lëndë narkotike.
Nga kontrolli i imtësishëm i ushtruar mjetit që drejtohej nga 27 vjeçari, shërbimet e Policisë Kufitare gjetën të fshehur dhe sekuestruan 20 kilogramë lëndë narkotike cannabis sativa.
Në vendngjarje ka mbëritur grupi hetimor dhe specialistët për hetimin e narkotikëve në DVP Shkodër të cilët në përfundim të veprimeve kanë bërë arrestimin në flagrancë të shtetasit: D.K., 27 vjeç, banues në fshatin Kçar i Poshtëm -Demiraj, Malësi e Madhe
Materialet i kaluan Prokurorisë Pranë Gjykatës së Shkallës së Parë Shkodër për veprën penale “Trafikimi i narkotikëve” mbetur në tentativë./ Opinion.al E.Xh.
