Kryebashkiakja e Lushnjes, Eriselda Sefa, ka deklaruar se stafi i bashkisë po kontakton çdo familje që do të ketë nevojë për akomodim pas zjarrit të rënë mbrëmjen e djeshme në Lushnje.
Ajo tha se është bërë gati një konvikt dhe se nëse do të jetë nevoja do të merren dhe apartamente me qera.
Sefa theksoi se pasi të mbarojë ekspertiza, do të jepet kompensim sipas ligjit.
“Stafi i bashkisë po kontakton çdo familje që do të ketë nevojë për akomodim. Kemi bërë gati një konvikt. Nëse do të jetë nevoja, do të marrim edhe apartament me qira. Janë rreth 91 apartamente, 20 janë banuese aktuale, të tjerë janë emigrantë. Pasi të mbarojë ekspertiza, do të japim kompensim sipas ligjit”-tha Eriselda Sefa.
