Policia në Japoni ka arrestuar një person pasi një nxënëse shkolle u arratis nga apartamenti i tij, ku mbahej peng prej dy vitesh.
Kabu Terauchi ra në prangat e policisë pranë shtëpisë së tij, ndërsa më parë kishte tentuar të vriste veten duke u prerë me thikë në qafë.
Një natë më parë, 15-vjeçarja kishte arritur më në fund të largohej nga apartamenti ku mbahej peng në Tokio.
Ajo ishte 13 vjeç kur u rrëmbye përpara shtëpisë së saj.
Një ditë më pas, në kutinë postare të familjes ai la një njoftim, ku shkruante që të mos e kërkonin vajzën.
15-vjeçarja u arratis të dielën, kur Terauchi kishte dalë për pazar.
“Zakonisht dera është e kyçur nga jashtë, por sot nuk ishte,” tha vajza.
Ajo telefonoi babanë dhe policinë.
