Në 26 qershor u mbushen plot dy vjet nga vrasja e bankierit Artan Santo, njëherazi bashkëpronar i kompanisë mediaktike ‘Fokus Grup’. Sot dy vjet me pas emri i biznesmenit te njohur kujtohet nga familjarët, miqtë, bashkëpunëtorët dhe punonjësit e tij që kanë ende të gdhendur imazhin e njeriut korrekt, profesionist, të prere dhe sistematik. Nuk fshihen lehte nga memoria momentet e para te vrasjes se tij e para kjo e një profili te tille te larte nga bota e financës.
‘News 24’ siguroi aso kohe gjithë lëvizjet e atentatorëve qe ne orën 08:20 deri ne orën 09.15 kur është kryer ekzekutimi mafioz. Në tv ‘News 24’ nuk pushonin telefonatat mes tyre dhe dëshmi të rëndësishme nga qytetarë, të cilët pohonin me detaje se i kishin parë të njëjtët njerëz me motor që prej një jave lëviznin pranë zonës së RTSH pikërisht pranë zonës ku banonte i ndjeri. Por ato dëshmi mbetën te publiku dhe auditori ynë, pasi askush nuk u interesua dhe si arkivoi si dëshmi të vlefshme që mund të hidhnin sado pak dritë mbi ngjarjen.
Shume aludime, shumë pista shume imazhe madje dhe te vrasësve qe pas krimit te çmendur bridhnin me motor lirisht ne Tiranë vetem me nje skafandër ne koke dhe arme ne brez. Ende ka shume dyshime, por asnjë autor. Një dosje që vërtitet sa ne polici dhe ne prokurori, por qe pas kafazit te hekurt nuk gjendet askush, qe do ti hidhte sado pak drite mbi atë që cilësohet një nder vrasjet më të rënda në këto dekada tranzicioni.
TV ‘News 24’ dhe agjencia e lajmeve ‘BalkanWeb’ tentuan të hedhin drite sado pak mbi misterin e këtij krimi te pazbardhur. 105 dite pas vrasjes një dëshmitar rrëfeu se i njihte vrasësit e bankierit, madje ia kishte pohuar këtë dhe drejtorit të policisë së asaj kohe, Artan Didi, por dhe kjo dëshmi s’dihet si u tret në dosjet e policisë.
Dy vjet me pas të afërmit e tij luten për përshpirtjen e tij, ndërsa tek të gjithë mbetet i pazbardhur misteri, pse u vra bankieri, kush urdhëroi vdekjen e tij, pse Artan Santo nuk duhet të jetonte, çfarë fshihet pas këtij krimi të rëndë, ka emra të tjerë të njohur ose jo që fshihen pas kësaj enigme të pazbardhur?
