Policia e Kosovës arrestoi të mërkurën, në Mitrovicë 2 shtetas shqiptarë dhe një shqiptar të Kosovës, pasi në banesën e tyre u gjetën 45.8 kg kanabis.
Autoritetet kosovare njoftojnë se shqiptarët ishin pjesë e një rrjeti të mirëorganizuar trafikimi dhe shitjeje të lëndëve narkotike.
Droga u sekuestrua gjatë kontrollit në banesën e njërit prej anëtarëve të bandës. Policia sekuestroi edhe një automjet tip “Wolkswagen Golf”, që shërbente për të transportuar drogën, si edhe 4 telefona celularë.
Prokurorët kosovarë dhanë për tre të arrestuarit masën e arrestit 48 orë burg, në pritje të gjykimit.
Të arrestuarit:
B. D. lindur me 1986 kosovar
H. Xh. lindur me 1966 nga Shqipëria
N. M. lindur me 1965 nga Shqipëria / TV KLAN
