Një çift shqiptarësh janë arrestuar në aeroportin e Romës me 5 kilogramë kokainë. Lënda narkotike është gjetur në valixhem e çiftit që kthehej nga muaji i mjaltit në Brazil, përmes tranzitit në Romë. Nuk ka të dhëna për emrat e dy të arrestuarve, ndërkohë që sipas informacioneve lënda narkotike ka qenë e pastër dhe vlera e saj arrin në 2 milione euro.
Për të shmangur zbulimin e saj nga policia, vajza ka thënë se ishte shtatzënë, në mënyrë që të shmangte kontrollin. Ka qenë kjo arsyeja, shkruajnë mediet italiane, që i ka bërë të dyshonte policët, të cilët menjëherë vendosën të kontrollonin bagazhet.
Çifti ka provuar edhe një dredhi të fundit, duke treguar një eko të barkut, që tregonte një shtatzëni me probleme.Brenda fundit të valixheve, në këtë moment, policia ka gjetur 5 kilogramë kokainë të pastër, me një vlerë që në treg shkon mbi 2 milionë euro, e ndarë në mbi 100 mijë doza.
