Një ditë pas arrestimit të Festim Lelajt nënkomisar në Drejtorinë e Policisë së Fierit në pranga kanë rënë edhe policë të tjerë dhe doganierë. Ata akuzohen se kanë favorizuar trafikun e madh e hashashit drej Italisë.
Prokuroria për Krime të Rënda njoftoi se paraditen e sotme janë vënë në pranga dy punonjës policie në Pikën e Kalimit Kufitar Durrës, një doganier në Doganën e Portit Durrës, si edhe një agjent doganor.
Nga hetimi i Prokurorisë për Krime të Rënda është evidentuar se, për kalimin e kamionit të ngarkuar me 2.5 ton lëndë narkotike, janë krijuar kushtet nga zyrtarë publikë, të cilët kanë mundësuar kalimin lirisht të kamionit nga porti i Durrësit deri në portin e Ankonas në Itali. Kujojmë se kamioni me drogë u kap në Ankona 1 vit më parë dhe më pas hetimet u shtrinë dhe në Shqipëri.
Sot janë ekzekutuar urdhër-ndalimet për efektivët e Drejtorisë së Policisë së Kufirit Durrës, Gëzim Dervishidhe Agron Kapllani , për doganierin Altin Katundi dhe agjentin doganor Mikail Hila. /Opinion.al
