Gjatë vitit 2024, rreth 2.2 milionë turistë të huaj kanë qëndruar në hotele dhe struktura të ngjashme në Shqipëri, sipas të dhënave të INSTAT.
Kjo përfaqëson një rritje prej 55%, krahasuar me vitin 2023.
Megjithatë nga 11.7 milion të huaj që kanë hyrë në vend gjatë vitit të kaluar, vetëm 19% janë reflektuar në statistikat e akomodimit hotelier.
Kjo mund të arsyetohet me faktin se një pjesë e të huajve janë vizitorë ditorë, e shumë të tjerë akomodohen në alternativa si apartamente me qira apo qëndrojnë në struktura informale.
Vetëm në dhjetor, 73 mijë vizitorë jo rezidentë kanë zgjedhur të qëndrojnë në struktura akomoduese, ndërsa numri i netqëndrimeve është rritur me 24%.
Në krye të listët janë italianët, duke bërë që vizitorët nga Kosova të kalojnë në vend të dytë, pasuar nga gjermanët dhe anglezët.
Qendra dhe veriu i vendit kanë qenë zonat më të frekuentuara gjatë muajit të fundit të vitit 2024./ Tv Klan
