Nga Aurenc Bebja*, Francë – 6 Tetor 2019
“L’Ere Nouvelle” ka botuar, të dielën e 7 janarit 1934, në faqen n°2, një shkrim në lidhje me nacionalizimin e emrave të huaj me ato shqiptarë, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :
Nacionalizimi i emrave të huaj në Shqipëri
“Mësojmë se qeveria shqiptare sapo ka caktuar një komision i cili do të ketë për detyrë të zëvendësojë, në një kohë shumë të shkurtër, emrat e huaj të lumenjve, vendeve, etj., me emra krejtësisht shqiptarë.
I njëjti komision do të ketë të drejtën të heqë nga kishat, xhamitë ose tempujt të gjitha mbishkrimet në gjuhë të huaja.”
