Udhëheqësit e G7 do të zhvillojnë një takim online ditën e sotme për të diskutuar bombardimet e fundit ruse në qytetet kryesore të Ukrainës.
Sulmi rus të hënën regjistroi të paktën 19 të vdekur dhe 105 të plagosur. Rusia i ndërmorri bombardimet si hakmarrje për atë që Vladimir Putin pretendoi se ishte një akt terrorist i kryer nga shërbimet speciale ukrainase në një urë që lidh Rusinë me Krimenë.
Ndërkohë protesta ndërkombëtare shpërthyen në vazhdën e sulmit të fundit rus, i cilësuar nga disa si një shenjë e dëshpërimit në rritje të Presidentit Putin përballë rezistencës së fortë ukrainase.
Gjatë mbledhjes online, liderët duke përfshirë presidentin e SHBA-së, Joe Biden dhe kryeministren e Mbretërisë së Bashkuar, Liz Truss pritet të ritheksojnë mbështetjen e tyre për Ukrainën.
Në takim pritet që të marrë pjesë edhe presidenti ukrainas, Volodymyr Zelensky.
