Të paktën 1800 forca policore do të angazhohen për garantimin e sigurisë dhe mbarëvajtjes së aktiviteteve të programuara në kuadër të vizitës së së Sekretarit amerikan të Shtetit John Kerry.
Ministria e Punëve të Brendshme dhe Policia e Shtetit kanë marrë të gjitha masat për të garantuar vizitën tre orëshë të sekretarit Kerry paraditen e së dielës datë 14 shkurt në Tiranë.
Grupi i Punës për sigurinë i cili është ngritur në bashkëpunim dhe me autoritet e Ambasadës Amerikane do të përfshijë të gjitha institucionet që kanë përgjegjësi të drejtpërdrejtë në planin e sigurisë, si Policia e Shtetit, Shërbimi Informativ Shtetëror Agjencia e Inteligjencës dhe Sigurisë së Mbrojtjes, Garda e Republikës, Drejtoria Përgjithshme e Emergjencave Civile
Sipas Burimeve zyrtare është hartuar e vënë në zbatim një plan i posaçëm masash me detyra konkrete për 1800 forca policore të angazhuara.
Do të ndalohet qarkullimi i automjeteve nga ora 06:00 -15:00 të datës 14.02.2016 në të gjitha rrugëkalimet që të çojnë drejt Sheshit Nënë Tereza, Bulevardit Dëshmorët e Kombit dhe Sheshit Skënderbej. (Lista e akseve rrugore bashkëngjitur këtij njoftimi).
Edhe parkimi i automjeteve do të jetë i ndaluar në akset rrugore nga do të kalojë eskorta e sekretarit Kerrri.
- Bulevardi Dëshmorët e Kombit
- Rruga e Durrësit, nga mbikalimi i Kamzës – Sheshi Shqiponja – Sheshi Skënderbej
- Bulevardi Zogu I
- Bulevardi Gjergj Fishta
- Bulevardi Zhan D’Ark
- Rruga e Elbasanit
- Rruga e Kavajës
- Rruga Abdyl Frashëri
- Rruga Sulejman Delvina
- Rruga Muhamet Gjollesha
- Rruga Ibrahim Rrugova nga sheshi Frederik Shopen – Gjykata e Lartë – Banka e Shqipërisë deri te rruga e Durrësit.
- Aksi Unaza e Re – Sheshi Shqiponja – Ura te Shkolla Teknologjike – Rruga e Kavajës.
Pritet që dhe një helikopter i forcave të ushtrisë të monitorjë nga ajri.
Tv Klan
