Apeli la sot në fuqi vendimin e Gjykatës së Shkallës së Parë për 19 të arrestuarit që morën pjesë në protestën opozitare të 16 Shkurtit.
Apeli ka lënë në fuqi të njëjtin vendim, duke mos pranuar ankimimin e avokatëve me pretendimin se ankesa duhej të ishte firmosur nga personat që ishin nën hetim.
Për Florenc Hoxhën dhe katër të arrestuar të tjerë është lënë në fuqi masa “arrest me burg”, ndërsa për të tjerët “arrest shtëpie” dhe “detyrim paraqitje”.
Ky vendim ka irrituar disa nga të pranishmit në sallën e gjyqit, të cilët kanë thënë se do të protestojnë sërish më 16 mars./Opinion.al
