Pesë persona janë arrestuar nga polica dhe një tjetër është shpallur në kërkim, pasi akuzohen se po transportonin 19 klandestinë.
Mësohet se autoritetet kanë goditur dy raste, të veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit me qëllim dërgimin drejt vendeve të BE-së.
Policia njofton H.H, 30 vjeç, banues në fshatin Domje, Tiranë, B.Gj, 27 vjeç, banues në fshatin Domje, Tiranë, A.B, 19 vjeç, banues në Kamëz, (i dënuar më parë për veprën “Prodhimi dhe shitja e narkotikëve”), E.I, 27 vjeç, banues në Tiranë, M.M, 20 vjec, banues në Tiranë.
Ndërkohë, në kërkim është shpallur E.K, 29 vjeç, banues në Domje, Tiranë.
Policia bën me dije se të arrestuarit në periferi të qytetit të Bilishtit, kanë marrë në mjetin tip minibus, të markës “Volksëagen”, 15 shtetas të huaj, me qëllim kalimin e tyre më pas drejt vendeve të BE-së, kundrejt pagesës 1000 deri në 1500 euro secili.
Gjithashtu në fshatin Memëlisht, Pogradec, shërbimet e Policisë kanë konstatuar shtetasin M.M, duke transportuar me mjetin tip “Peugeot”, 4 shtetas të huaj. Mbi të arrestuarit rëndon akuza për “Ndihma për kalim të paligjshëm të kufirit” dhe “Mosbindja ndaj urdhrit të punonjësit të policisë së rendit publik” kryer në bashkëpunim./ Opinion.al
