Policia Rrugore ka bërë bilancin e punës së saj nga data 18 Janar në 24 Shkurt 2024.
Në mbi 1 muaj, janë arrestuar 15 persona si pasojë e veprave penale në fushën e qarkullimit rrugor.
Shoferët janë vënë në pranga për drejtim mjeti nën ndikimin e alkoolit, drejtimin e makinës pa leje drejtimi, shkelje të rregullave me pasoja dhe për korrupsion aktiv ndaj punonjësve të policisë.
Ndërkohë janë vendosur edhe mbi 10 mijë gjoba për shkelje si: xhama të zinj, shpejtësi mbi normat e lejuara, mos vendosjen e rripit të sigurimit, mosrrespektimin e vijave te bardha etj.
Njoftimi i plotë i Komisariatit të Policisë Rrugore Tiranë
Komisariati i Policisë Rrugore Tiranë
Përmbledhje e veprimtarive të Komisariatit të Qarkullimit Rrugor Tiranë për periudhën
- 15 persona janë arrestuar për kryerjen e veprave penale në fushën e qarkullimit rrugor:
- 6 për drejtim mjeti nën ndikimin e alkoolit;
- 5 për drejtim mjeti pa leje drejtimi;
- 3 për shkelje të rregullave të qarkullimit rrugor me pasoja;
- 2 për korupsion aktiv ndaj personave që ushtrojnë funksione publike.
Masat Administrative:
- 10,120 masa administrative u vendosën për një gamë të gjerë shkeljesh, duke përfshirë xhama të zinj, shpejtësi mbi normat e lejuara, mos vendosjen e rripit të sigurimit, mosrrespektimin e vijave te bardha etj.
Pezullime dhe Bllokime:
- 49 masa administrative që përfshijnë pezullim të lejeve të drejtimit;
- 9 automjete u bllokuan për shkaqe të ndryshme, përfshirë për masa dhe detyrime të palikuiduara.
Kujdesi dhe përkushtimi ynë për rritjen e sigurisë rrugore është i pandalur! Le të punojmë së bashku për rrugë më të sigurta për të gjithë!
