Kryetari i Partisë Demokratike, Sali Berisha thotë se kandidatët e PS-së për zgjedhjet lokale të 14 majit vijnë nga “bodrumet e mafies”.
Teksa ka prezantuar kandidatin e koalicionit “Bashkë Fitojmë” për Bashkinë Divjakë, Aurel Malko, Berisha tha se kandidatët e opozitës janë zgjedhur nga vota e demokratëve dhe jo nga kryetari i PD apo strukturat e tjera të partisë.
“Kandidatët tanë kudo që janë, vijnë ballëhapur para qytetarëve, vijnë pasi janë provuar, janë besuar nga vullneti i tyre. Kandidatët e krahut tjetër vijnë nga bodrumet e mafies, vijnë në një mënyrë që askush nuk e merr vesh. Dje isha në Has, kandidati i Hasit kishte 2 emra dhe 4-5 arrestime, ishte si puna e atij që kishit para këtij që ka ardhur tani, si puna e Kokoneshit”,-tha Berisha./ Opinion.al
