Një 48-vjeçar shqiptar është arrestuar nga policia italiane në Giaveno. Enver Kasa, një punëtor ndërtimi është arrestuar pasi ka goditur me thikë pronarin italian.
“Repubblica.it” shkruan se gjithçka ka nisur pas një debati mes shqiptarit dhe italianit 32-vjeçar. Enver Kasa i kishte rregulluar shtëpinë, në Coazze, italianit dhe sipas tij ky i fundit i kishte dhënë 12 mijë euro më pak.
Ngjarja ka ndodhur pasditen e djeshme, rreth orës 17.30. Pas debateve shqiptari ka nxjerrë një thikë dhe ja ka ngulur italianit në qafë.
Sipas llogarive të shqiptarit puna bënte 70 mijë euro, por 32-vjeçari italian i kishte dhënë 12 mijë euro më pak.
Ndërkohë shqiptari është arrestuar, ndërsa italiani është në spital jashtë rrezikut për jetën. Policia ka sekuestruar edhe thikën që përdori Enver Kasa.
