Në konferecën e parë për mediat pas fitimit të lirisë me kusht, ish-deputeti i PD-së Ervin Salianji u ndal ndër të tjera edhe te zgjedhjet parlamentare të 11 Majit.
Ashtu sikurse eksponentë të tjerë të PD, edhe Salianji i cilësoi këto zgjedhje një farsë. Ish-deputeti u shpreh se PD duhet të fokusohet te gjetja e zgjidhjes për të larguar Ramën nga pushteti.
Pjesë nga fjala e Salianjit:
Nuk është sekret dhe e paditur, PD duhet të ishte më e vendosur për të denoncuar parregullsitë. Nuk ka sekret që në Shqipëri nuk ka zgjedhje. Nuk është sekret që PD duhej të gjejë zgjidhje të largojë regjimin. Të thuash farsë është pak. Në cdo zgjehdje që jemi ëprballura nga zgjedhjet e pjesshme në Korçë dderi në të fundit, përballemi me një situatë të njëjtë. Nuk duhet të presim që të reflektojë Edi Rama. PD, drejtuesit dhe simpatizantët që sakrifikojnë përditë për të mbajtur PD dhe shqiptarët presin ndryshim. Duhet të gjejmë zgjidhje me cilën formë do të largojmë Ramën dhe qeverinë e korruptuar. Do të jemi këtu për të komunikuar. Unë do të jap mendimin tim se si. Faza e parë që PD ka bërë mirë që të mos e zhvendosë vëmendjen, është denoncimi i gjithçkaje për mospasjen e zgjedhjeve të lira dhe të ndershme. Është koha të gjejmë zgjidhje.
