Në 13 dhe 14 nëntor bota pa një nga shkëlqimet më të bukura hënore që ndodh një herë në 68 vjet. Dhe fotot që vijnë janë me të vërtetë mahnitëse.
Termi ‘super-hëna’ i referohet hënës së plotë që përkon me qasjen më të afërt të orbitës hënore me tokën dhe hera e fundit ishte në vitin 1948.
“Super-hena” duket më e madhe dhe më e ndritshme në qiell, duke ofruar një spektakël të rrallë në hapësirën qiellore.
Ky ndryshim shkaktohet nga fakti se orbita e hënës është formë vezake dhe pak e çrregullt, kjo ndodh kur ajo largohet ose afrohet me tokën.
Në pikën e saj më të afërt të këtij cikli, hëna do të arrijë ndryshimin e parë në orën 6:21 të mëngjesit, 14 nëntor, me një largësi nga Toka prej 356,508 kilometrash. Kjo distancë është matur nga qendra e të dy këtyre planeteve, Tokës dhe Hënës. Ndërsa fazën e saj të plotë, Hëna do ta arrijë pas dy orësh e gjysmë, më saktësisht në orën 8:52.
Po kaq afër ajo do të shfaqet edhe më 25 nëntor, në vitin 2034. Ndërsa Hëna e plotë më e afërt ndaj Tokës për këtë shekull do të ndodhë më 6 dhjetor të vitit 2052, kur fqinji ynë qiellor do të jetë larg nesh “vetëm” 356,424 kilometra.
