Kryeministri Edi Rama ka reaguar videos së fundit të Lulzim Bashës, ku shfaqej me Hysen Xhurën, kandidat për deputet në listën e hapur të Koalicionit Euroatlantik në njësinë numër 4 në kryeqytet.
Përmes një video në rrjete sociale, Rama thotë se bëri mirë që prezantoi njërin nga kandidatët, pasi pyesin njerëzit nëse ka pjesëtarë në parti.
“O Lul shyqyr se e nxorre një se pyet mileti a ke njeri a je veç ti. Hyseni i kam njohur babën, burrë zotni. Ishalla i ka ngjarë të atit. Tjetër ke apo Hysenin laj thaj. Dëgjoje pak e mirë se tani që të ngjalla nuk ta kam nderin të të dëgjoj përditë që i bie fyllit me një vrimë. E dëgjove?”, thotë Rama.
Në përgjigje të komentit se shokët po i dalin nga duart, Rama i thotë se ka fjetur shumë dhe duhet me ia kujtuar disa gjëra.
Ai i përgjigjet me një këngë të Unikatilit edhe me një pjesë teksti ku thuhet ‘100 zogj pulash kundër një luani’.
“Po dëgjoje dëgjoje dhe ndërro regjistër se ke fjet gjatë, duhet me t’i kujtu ca gjëra. Duhet me t’i kujtuar ca gjona. 100 zogj pulash kundër një luani. Ik tani artist dhe mos ma qaj hallin mua se po t’i kullufit demokratët. Jo këtu bën si i fortë dhe andej rri squp. Hajde Lul, ec aty”, u shpreh Rama teksa në sfond vendosi këngën e Unikatil.
