“Je si kukull! Je dobësuar?”
Kur një femër ia thotë këtë një tjetre e bën pa qëllim të keq. Por e bën atë të besojë se mënyra e vetme që të dukej e bukur ishte të humbiste kile. Në përgjithësi, nuk rekomandohet ta komentosh tjetrën per peshën, sepse dashur pa dashur e vë në dyshime.
“Pas gjithë atyre që hëngra më duhen 3 orë ushtrime për të mos u shëndoshur”
Kur e dini se nuk do e bëni, pse e thoni? Në këtë mënyrë jepni tek të tjerët mesazhin që pas çdo gjëjë që hani dhe ju shijon duhet të torturoheni.
“Mos i kushto rendësi, se meshkujt gjithmonë pas _______ shkojnë”
Ia thonë shpesh femrat njëra-tjetrës për ta bërë të ndihet më mirë. Por asnjë shprehje nuk është e nevojshme që të të bëjë të ndihesh mirë, sidomos kur është një klishe e shumëpërdorur.
“Mos u merakos. Ti je më e bukur se ajo”
Zakonisht i thuhet një femre që e ka lënë i dashuri, ose njërës që flirton të njëjtin mashkull njëkohësisht me një tjetër. Gjithsesi kjo shprehje nuk vlen shumë, sepse meshkujt nuk zgjedhin gjithmonë më të bukurën. Në fakt, nuk ka një rregull të caktuar për ato që ata zgjedhin.
“Si ka mundësi që je vetëm?”
Sepse kështu më pëlqen. Sepse më la i dashuri. Sepse nuk dua një lidhje jofunksionale, vetëm e vetëm që të them se jam e lidhur. Sepse jam në kërkim të identitetit tim seksual. Nuk ka përgjigje të sjellshme për këtë pyetje, sepse as vetë pyetja nuk është e tillë. Më mirë mos e bëni fare.
“Kur ke ndërmend të bëhesh nënë?”
Kur dikush nuk ka fëmijë, ose nuk do, ose nuk ka mundësi të bëjë. Nëse nuk do, është e qartë se ka arsyet e tij personale të cilat nuk ka pse t’i bisedojë me të tjerët. Nëse nuk mundet, nuk ka pse t’ju japë shpjegime për problemin e tij. Në të dyja rastet me pyetjen tuaj do ta vendosni në pozitë të vështirë.
“Mos ndoshta kjo më tregon të shëndoshë?”
Ka ardhur koha që duhet të kapërcejmë tabutë në lidhje me konstruktin e trupit. Nuk është e nevojshme të kritikoni dikë për peshën e tij, aq më tepër veten tuaj. Kur ndiheni mirë me trupin dhe veshjen tuaj, jepni mesazhin e duhur edhe për femrat e tjera.
“Je shumë e dobët. Ha ndonjë gjë!”
Njerëzit që janë të dobët, janë të tillë për dy arsye: ose nuk duan ose nuk munden të shëndoshen. Nëse nuk duan, çfarëdo që t’u thoni nuk do të hanë. Nëse nuk munden, sado që të hanë nuk kanë për t’u shëndoshur. Në përgjithësi se sa ha dhe se sa peshon secili është zgjedhje personale dhe nuk ka nevojë për komente nga ata që e rrethojnë.
“Dërgoji edhe këtë mesazh”
Një lidhje funksionon me dy veta dhe jo me tre. Mos i thoni një femre tjetër çfarë t’i dërgojë në mesazh të dashurit, sepse një ditë ata do të takohen dhe ai do e zbulojë karakterin e saj të vërtetë, por edhe mënyrën e shprehjes. Nxitni femrën tjetër të jetë vetvetja sepse vetëm ashtu mund të arrijë atë që vërtet do.
“Kujdes mos të të dalë nami”
Jeta seksuale e çdo femre është çështje personale. Nëse besoni se një femër do ketë nam të keq për disa zgjedhje seksuale, do të thotë që ju e para jeni ajo që po e kritikoni. Më mirë mos e kritikoni një femër se sa shpesh dëshiron t’i ndërrojë meshkujt.
