Pjesa e parë e ndihmave materiale të Bashkimit Europian kanë mbërritur të hënë në Shqipëri. Ndihma është pjesë e një donacioni 4 milionë euro nga BE për Ministrinë e Shëndetësisë.
Ambasadori i Bashkimit Europian në Tiranë, Luigi Soreca, tha në një video-mesazh në Tëitter se pjesa e parë e ndihmës përfshin 120 mijë doreza, 2 mijë mbrojtëse për fytyrën dhe 1 mij litra dezinfektant.
Në 10 ditët e ardhshme do të mbërrijë pjesa tjetër e ndihmave e cila konsiston në “10 mijë kite testimi, 50 njësi për terapi intensive dhe 5 ambulanca”, tha Soreca.
“Ne duhet të jemi rezistent dhe të disiplinuar në luftën kundër COVID-19. Të gjithë duhet të respektojmë rregullat në fuqi për të ndihmuar të gjithë komunitetin të dalë nga kriza. Delegacioni i BE-së në Tiranë do të vazhdojë të ofrojë ndihmë thelbësore për Shqipërinë. Dorëzimi tjetër i pajisjeve është planifikuar javën e ardhshme” shkruan ndër të tjera ambasadori i BE. /Opinion.al
We must be resilient and disciplined in the fight against #COVID__19. We all need to respect the rules in force to help the whole community getting out of the crisis.
The #EU?? will continue to deliver essential help to??. Next delivery of equipment is planned next week. ???? https://t.co/uJNyUnk23D— Luigi Soreca?? (@LSorecaEU) May 15, 2020
