Mediat italiane kanë nxjerrë të tjera detaje, në lidhje më krimin që ndodhi në një familje shqiptare. 53-vjeçari Eduart Zyberi ka rrëfyer nga spitali, për hetuesit, të gjithë krimin që bëri mbrëmjen e 31 janarit në Genova të Italisë.
Ai ka pranuar se e ka qëlluar gruan e tij për vdekje pas një debati që kishte me të. 53-vjeçari e goditi 10 herë me thikë gruan e tij Lauretën, teksa ajo ishte në një shtëpi ku punonte si pastruese.
Deri më tani pista e hetimit ku po përqendrohen më shumë autoritetet është ajo e xhelozisë mes çiftit.
Ka qenë pronari i banesës ku punonte viktima ai që ka njoftuar policinë pasi ka gjetur Lauretën të vdekur, ndërsa Eduartin të plagosur rëndë.
53-vjeçari pas krimit kishte tentuar të vrasë veten. Pas ndërhyrjes së mjekëve gjendja e tij shëndetësore është stabilizuar./ Opinion.al
