Mbi 30 % e djemve 15-vjeçarë dhe vetëm 4 % e vajzave në Shqipëri kanë raportuar se janë përfshirë në marrëdhënie seksuale.
1 në 3 djemtë moshës 15-vjeçarë në vendin tonë kanë raportuar se kanë kryer marrëdhënie seksuale. për ekspertët e shëndetësisë këto gjetje janë shqetësuese pasi jo vetëm rrezikojnë rritjen e sëmundjeve seksualisht të transmeteushme, por edhe problemeve të tjera shëndetësore.
Genta Qirjako, eksperte ISHP: Sjellje të tilla janë të rrezikshme pasi është një fillim më i hershëm i marrëdhënieve seksuale, çka e afron një vajzë apo djalë me pasoja të rrezikshme, infeksione, shtatzëni apo abuzim seksual dhe dhunë.
Por me alarmante është fakti se raporti i OBSH e rendit Shqipërinë si një ndër vendet me përqindjen më të ulët të të rinjve që përdorin masa mbrojtëse.
Genta Qirjako, eksperte ISHP: Shqetësuese është fakti që 2/3 vajza, apo 1/3 djem nuk kishte përdorur asnjë masë mbrojtëse në marrëdhëniet e fundit seksuale.
Ajo që bie në sy është fakti se adoleshentet shqiptarë, vajzat 15-vjeçarë nuk kërkojnë që në marrëdhënie seksuale të përdorin prezervativë apo pilulat kontraceptive.
Genta Qirjako, eksperte ISHP: Ka një diferencë të rëndësishme mes djemve dhe vajzave në përdorimin e mjeteve mbrojtëse, qofshin kontraceptivët apo prezervativët. Prezervativi haset në përdorim të gjerë tek djemtë, por shumë më të ulët tek vajzat.
Ekspertët kërkojnë më shumë vëmendje ndaj të rinjve në këtë drejtim dhe kujdes duhet treguar nga familja dhe institucionet arsimore për edukimin e adoleshentët për përdorimin e masave mbrojtëse për një shëndet të sigurt.
Tv Klan
