Një shkop bejsbolli, me të cilin lojtari legjendar Babe Ruth konfirmoi vendin e tij mes legjendave të sportit popullor në SHBA, ndërsa luante për New York Yankees, në 11 gusht 1929 u shit në ankand për 1 milion dollarë nga një blerës, i cili preferoi të mbetej anonim.
Me këtë shkop Ruth realizoi “home run”-in e 500-të, ose xhiron e plotë rreth bazave në fushën e bejsbollit para se kundërshtarët të pasojnë topin te njëri-tjetri. Në total, Ruth realizoi 714 “home run” dhe njihet si lojtari i parë që vendosi këtë rekord, që shërben edhe sot si matës i cilësisë së lojtarëve.
Ruth fitoi kampionatin e bejsbollit, ose “World Series”, shtatë herë në karrierën e tij, tri herë me Boston Red Sox dhe katër herë me Yankees.
Megjithatë ky nuk është objekti i tij i shitur më shtrenjtë. Në qershor, një fanellë e Yankees e veshur nga Ruth u shit për 5,64 milionë dollarë në ankand, duke thyer rekordin e vendosur më parë nga një tjetër fanellë e tij, veshur në vitet 1920, që u shit për 4,4 milionë dollarë./Opinion.al
