4.76 milionë turistë të huaj kanë vizituar vendin tonë 6 muajt e parë të këtij viti.
Kështu shkruan kryeministri Rama, në një postim në rrjetin social Facebook ku ndër të tjera nënvizon se ky është një tregues i një rritjeje të stabilizuar të flukseve hyrëse dhe ekuilibrave të qëndrueshëm në menaxhimin e ofertës turistike.
Nga ana tjetër numrin e turistëve të huaj për qershorin, i cili ka arritur në 1.32 milionë vizitorë, Rama e konsideron fryt i një pune të suksesshme dhe përgjegjësi e shtuar për të gjithë në monitorimin e sezonit turistik veror.
Postimi i kryeministrit
4.76 milionë vizitorë të huaj në gjashtë muajt e parë të këtij viti janë tregues i një rritjeje të stabilizuar të flukseve hyrëse dhe ekuilibrave të qëndrueshëm në menaxhimin e ofertës turistike, ndërsa 1.32 milionë vizitorë të huaj vetëm gjatë qershorit janë fryt i një pune të suksesshme dhe përgjegjësi e shtuar për të gjithë në monitorimin e sezonit turistik veror.
