Bota

​Zbulohet një variant i ri i koronavirusit në Francë, 12 raste në Marseille


Bëhu pjesë e Grupit Zyrtar të Opinion.al
>> KËTU <<
               Publikuar në : 11:05 - 04/01/22 |
Opi Nion

Një tjetër variant i Covid-19 është zbuluar në Francë, thonë shkencëtarët. Sipas mediave të huaja ky variant ka 46 mutacione që mendohet se e bëjnë atë edhe më rezistent ndaj vaksinave dhe më infektiv se virusi i parë Covid që u shfaq në Kinë.

12 raste janë gjetur deri më tani pranë qytetit të Marseille në Francë. Rasti i parë duket se është i lidhur me udhëtimin në vendin afrikan Kamerun.

Ndërkohë sipas shkencëtarëve ka pak gjasa që ai të përhapet më shumë se Omicron, i cili deri tani përbën më shumë se 60 për qind të rasteve në Francë.

Variani i ri u zbulua nga akademikët e IHU Mediterranee Infection më 10 dhjetor në Francë, por që nga momenti kur u zbulua është vënë re se ky variant nuk është përhapur me shpejtësi.

Ai ende nuk është evidentuar në vende të tjera dhe nuk është emërtuar si një variant nën hetim nga Organizata Botërore e Shëndetësisë.

Profesor Philippe Colson, i cili drejton njësinë që zbuloi variantin e ri, tha: “Ne me të vërtetë kemi disa raste të këtij varianti të ri në zonën gjeografike të Marsejës. Ne e quajtëm atë “variant IHU”.

Testimet në laborator tregojnë se ky variant i ri mbart mutacionin E484K që mendohet se e bën më rezistent ndaj vaksinave./Opinion.al

Pas